22.狼行尖東 (第5/11页)

r>
    「有咩点，龙虾至抢手，32一两，380一斤，挞沙个价高咗啲，但係都畀佢哋压到尽。有时间去索罟湾整啲大澳鱼，就唔使受气。」

    男人呼一脉无奈烟圈，嗅到八卦：「哗，阿青，你个衰仔拍咗拖都唔话我知，条女咁靚，收埋咗几耐？」

    阿羽咬唇欲矢口否认，朗青饱含曖昧地澄清是「朋友」，顺带察探她的反应，甚至能捕捉繚乱鼻息。

    「係呢，点解唔见细D嘅？」

    「超！一提呢条仆街我条气就唔顺。」胜哥喜怒无缝切换：「成Q日诈病话唔捞，仲私吞埋条数，阿青你再唔送走呢个瘟神，迟早揦屎上身啊！」

    朗青不禁沉脸：「咁佢人呢？」

    十来分鐘后，不起眼的小舢舨悄无声息接近鸭脷洲大桥旁静泊的机轮「祥兴号」，三个身影捻手躡脚登上尾舷，踩过一地缆绳水繒湿漉起伏。

    专心致志补罟网的俩鹤佬渔工全然没察觉，互相抱怨睡不了个把鐘又要出发去东澳作战，面容黧黑的阿星（印度人）甩远烟蒂回头撞见朗青，速速急切招呼同僚，话事的驾到。

    鹤佬放下忙活慌张撑立，「青哥」未叫出声，hush手势先一步示意噤默。

    船首机舱燃油气味时隐时现，舵室外睡板桌台歪扭凌乱，公仔麵剩光溜油花，而佔台的物品是水烟筒、金属小铁盒、纸捲，以及一团磨碎的干草叶。

    大麻吸食有五法，细D选了最低级最直接的卷roll，吞云吐雾，猪油焦臭渗透枯朽的毛细血管。

    阿羽不只一次暗暗鄙夷他，獐头鼠目草草略具人形，就敢仗田寿辉烂朵，光天化日下狐假虎威横行深水埗北河街，27，8岁，兼职道友，全职流氓。

    「乜捻嘢诈我型？而家朗青谢晒皮啦！」

    「同埋我过到和记之后就唔使听佢支笛，当佢臭四！」

    「係咁先，叫鸡嗰阵记得call我。」

    细D作滩烂泥状，抖抖柴瘦二郎腿，四下无人之境忘乎所以。搁置手提电话一刻，猛地惊跳而起，连滚带爬打翻玻璃Bong，眩晕又胆寒，整一腔运筹帷幄崩得七稜八瓣。

    他早忘了半隻脚踏出福生，偃旗息鼓的红棍，烂船仍有三斤钉。

    「青...大...大佬...」

    「细D哥你搵到财路，仲认我呢个臭四？」那番逆耳狂辞朗青听得一字不漏：「同人哋斟紧乜好嘢，预埋我一份啊。」

    颤慄对上讥誚仇视，细D勉强挤讨好的笑：「...同人哋乱鳩咁吹水咋嘛。」

    朗青眼扫狼藉，盛怒之意愈发明显：「我几日冇嚟啫，你就喺我呢