11.彌敦道風雲 (第6/8页)

  「估唔到我哋小拳王咁識玩嘢，走啦，今日都贏夠嘞~」

    籌碼換成鈔票，呼喚細路祥等人要離開大檔時，聽到身後一聲媚語。

    「阿雄~」

    他回頭，是那名剛才被老男人當成肉凳的美艷女子，牌局間她不停朝烏鴉和阿羽送來眼光。

    稍微打量了幾眼，烏鴉淡淡地說出了她的名字：「芬妮？」

    「係啊，你識得我…」她有意無意纏上烏鴉的手臂，好像很親熱。

    烏鴉的腦海裏一下子閃過很多往事，九龍城寨的困苦日子，只沉迷於打拳的老竇陳輝，整天罵聲不斷的阿媽，初出江湖時的欺壓，還有眼前這位傷他千萬次又無言離開，曾經不知廉恥，與過去自己和興和大佬私通的舊愛…

    他不無嫌棄地一甩：「咁啱嘅，好耐無見，你仲喺班男人堆度搵食…」

    「阿雄你變咗好多~成個人唔同晒…你係咪仲介意以前嘅事？」女人雙眼含波，滿懷期待。

    「我而家要走嘞，無時間同你敘舊。」烏鴉不想揭開情殤疮疤，拉起小拳王就往門口去。

    「我有嘢同你講…」

    話音未落，老男人突然氣急敗壞沖了過來，手指烏鴉：「你贏咗錢唔夠？仲溝我條女？」

    烏鴉對他在牌桌上的狂妄本就不滿，這下更是戳爆了怒氣：「點咩？你牌品咁差皮，又攪唔掂自己條女，對住我發乜鬼爛渣？」

    「屌你老味，你唔知我係邊個？」

    大罵粗口引起大檔場內其他人的警惕，太子和立花出面，走過來搭住老男人：「發生乜事啊周老板？」

    「呢個衰佬啊，溝我條女！」

    「邊個溝你條女，係佢死拉住我唔放手啊~喂，你係咪嗰度唔夠勁，所以你條女喺出便亂攪？」

    芬妮不敢開口，她知道烏鴉在影射當年的事。

    周老板還未還嘴，太子先發話：「烏鴉，我講過你要醒定D，周老板係我嘅客人，有乜誤會三口六面講清楚，咪響我個場度攪事。」

    「太子，幫呢D老襯擦鞋，唔似你喎~」

    「我都唔係擦鞋，出嚟蒲要分尊卑大細，你贏咗錢就走啦，我費事同你講廢話。」

    「屌你條仆街，帶住個半陰陽咁嘅賣剩蔗出嚟學人賭，轉頭就俾車死！」周老板嘴癮沒過夠，仍是大聲罵烏鴉，誰都沒看到，一個人影悄悄跑了出去。

    「死老鬼你噏乜撚嘢啊！