【客席情人２０１６】（04-06） (第6/9页)


    常班次喎。无办法，我照执好行装，将三盒唔同「口味」嘅同埋两

    排特强伤风素摆入背囊；拱北关凌晨就闩闸？喇，我立刻搵ｇｇｌ老师，

    睇定澳门仲有边个关可以过，然后几行有自信而譁众取宠嘅标题一嘢映入眼帘，

    我好受落：

    「强烈推荐走横琴关到澳门机场（已经２４小时通关）」

    「横琴口岸过关新体验！」？？

    哇，好耶！有「横琴」，唔使「发蹄腾」啦。我顺利搭到２３：４５去港澳

    码头嘅船，挨近凌晨一点到步出境，然后跳上的士，叫司机车我去横琴口岸。

    深夜登陆嘅澳门此时烟雾瀰漫，狂风飕飕，鬼雨洒空草，魑魅呼喊着魍魉回

    答着魑魅，听到睇唔到。

    「小姐，你都算好彩喇，遇到我呢个正人君子，咁夜都肯车你去横琴，

    唔开天杀价。呢个钟数，畀着我啲同行，连錶都唔开，直接劏你三四旧水？。

    （哥哥，乜」横琴「好远？咩？我问过服务台阿姐，佢话远过去」关闸「少少？

    咋喎，澳门好细啫？）系，正常你喺澳门由一点飞的到任何一点，几远都唔贵过

    两百几蚊车钱，但系横琴好偏僻荒芜，响黑沙湾嗰边，即系澳门最南最

    笃笃嗰头，根本仲开发紧咁。仲有呀，阵间到横琴，过咗澳门关，中间隔条高速

    公路，唔畀行过去嘅，一定要搭车，先到珠海关？。而家点几钟啦，你好彩嘅话

    就搭到白牌的士，一程过，车到你过关兼出市区，不过你预咗要被劏一笔，几旧

    水人仔咁啦。（？？哥哥呀，我身上先得三百蚊港纸，同八十蚊人仔咋。咁系咪

    唔使旨意过到关？我已经开始好攰，好眼瞓，而家，仲有些少淆底。）可能性低

    啲咁啦，我唔敢讲完全无可能嘅。」

    司机哥仔继续用半夜电台讲鬼故节目嘅声线腔调同我解释，一路过桥：「呵，

    呢条桥，窄呀哩、恐怖呀哩？大巴唔过得，只准车仔过？，呢度一年都死三四十

    个嘅。（点解？）交通意外啰，啲电单车畀车撞到飞出个海度啰。？？」最后，

    个錶跳到二百零二蚊，「好喇，齐头二百得喇，祝你好运呀下。」然后架的士以

    风驰电掣之势开走咗，眨眼间已经不知所踪；眼前迎接我嘅正是凌晨两点嘅「雨

    夜横琴」、几个彪形大汉，仲有一只唔使缆绳自由奔放嘅黑狗。