分卷阅读62 (第2/3页)

阿Don比我聪明，再加上我从旁教路，佢响警校嘅成绩好好，重攞埋银鸡奖毕业，当时好多人都话我的系警界孖宝。毕业后佢派左去西九龙，日日放工返离都会同我讲佢返工嘅野，果阵时我的嘅阿爸阿妈都已经吾系度，得我同阿Don两个，所以我的嘅感情好好，成日都会用ｄ警例你考吓我我考吓你，我的真系好开心。但系我都知道警界人事复杂，所以我都好担心佢，成日都会提醒佢要识做人（其实最吾识做人果个系我至真），吾好得罪ｄ阿头，吾系就冇运行；想扎职就要争取机会博表现，吾系就会做死一世散仔...。但其实阿Don為人比我圆滑，所以都好得同事同佢阿头嘅欢心，一切都好顺利。过左几个月，我开始发现阿Don有ｄ异样，首先系佢同拍左几年拖嘅女朋友分左手，行為开始古古怪怪又好神秘，好多时明明吾驶返工，成日都吾见左人，又早出晚归，有时重吾返离训添，都吾知去左边，问佢佢又吾讲。有时出街又会著晒名牌西装，我问佢系吾系去饮，佢又话吾系。慢慢我同佢嘅关系好似生疏左好多咁，见面同倾偈嘅时间都少左，讲吾埋两句就会闹交。有一日同佢倾吾够两句又嘈起上离，佢居然话吾想成日比我管住晒，佢而家有经济能力，吾想再睇我面色，要独立，自己搬出去住，我当然强力反对，最后紧系不欢而散。我以為佢都系发吓脾气先至咁讲，等佢下左火就会冇事，点知有一日我放工返屋企居然见到佢执走晒ｄ野，我果时真系好后悔成日同佢闹交，搅到佢搬走埋添，佢重连我打比佢嘅电话佢都吾听，又吾肯讲比我知搬左去边，我果时真系好担心佢吾知系吾系识到ｄ坏人，点解会变成咁。同佢完全失去联络左几日，我真系好担心，最后忍吾住等佢放工然后跟踪佢，先知道佢搬左去警局附近嘅一个单位住。知道左佢住边之后，我正想转身走之际，阿Don居然打电话比我。第130页

阿Don：点呀？离到我楼下都吾上离坐吓呀？

卓晧：...吓...你点知我响你楼下架？

阿Don：有羊上离先讲啦！

我上到佢屋企，设备好简陋，睇得出系好仓猝嘅情况下搬入离住。对住阿Don一脸尷尬，都吾知讲羊好...

卓晧：你点知我响你楼下架？

阿Don：大佬